25 May 2009 (Te Ao Māori )
Peter Lucas is a young brother currently doing amazing work in Te Ao Māori and the takatāpui community. These are his insights on the KAHA Hui.
Kia ora ko Lucas Jones tōku ingoa nō Te Hiku o te Ika ahau nō Muriwhenua, ēngari I tēnei wā e noho ana ahau ki Pōneke. E rua ngā tau ahau e noho ana ki Pōneke.
Ko taku wā tuatahi tēnei ki ēnei tu momo hui takatāpui. He tino ātaahua te whanaungatanga e puta ana ki waenganui i ngā rōpū taiohi kua tae mai. I tae mai ahau ki konei ki te whakarongo ki ngā kōrero a ngā taiohi, nga rangatahi e anga whakamua ana mō tenei mea te takatāpuitanga. E kōwhiriwhiri ana ngā rangatahi i ngā take e ngākaunuitia ana e rātou. E kōrero ana rātou mō ō rātou nawe hoki.
Kua rongo au i a rātou e kōrero ana mō ō rātou hoa kua mate i te whakamomori, rātou ngā rangatahi takatāpui e pouri ana, e taumaha ana i tenei ao hurihuri. He kaha tonu te whakahāwea mō te tuakiri takatāpui. Kaua hoki ngā rangatahi e kawe i ngā taumahatanga e pā ana ki ngā kaupapa ka pēhi i a tātou te hunga takatāpui. Ahakoa tēna he aha ka roha atu ki ēnei rangatahi. E mahere rautaki ana ngā rōpū kia piki te ora,, te māramatanga hoki o te tangata. Ahakoa kō wai, ahakoa nō hea, he tangata, he tangata, he tangata.
Nō reira e whakatenatena ana ahau i ngā hui pēnei, nā te mea e whakaora ana ngā rangatahi i a ratou ano, i roto i te rangimārie me te ngākau kotahi. He wāhi pai te marae o Taputeranga mō tēnei kaupapa. He roa te wā kua tārewa ngā take e kōrerotia nei e ngā rangatahi, pēra i te whakamomori i waenga i ngā rangatahi pēnei. Tērā me hui anō tatou, kia whakarite i tētahi rautaki hei whakaora i ngā taiohi takatāpui e mate ana i te pouritanga, i te mate hākerekere hoki..
Ka mihi atu ki te marae o Taputeranga, ngā kaiwhakahaere o te hui, ki a rātou katoa i tae atu. Ngā mihi nui kia koutou katoa.
Nā Lucas
WellyMaori1, 5 May 2009
Kia ora my cuzzie xoxox
Mookster, 5 May 2009
FIERCE
Add comment
You need to login to be able to comment.
Not a member? Join now!